Ոչ լատինական տառատեսակների
8-րդ միջազգային մրցույթ

  

Գրանշան մրցույթ 2015


ՀՀ մշակույթի նախարարությունը և Մյունխենի տպագրական դիզայներների միությունը (tgm) հրավիրում է մասնակցելու «Գրանշան 2015» ոչ լատինական տառատեսակների ութերորդ միջազգային մրցույթին։


«Գրանշան»-ն արժևորում է տպագրական գրույթների բազմազանությունն ու հարստությունը, որոնք նպաստում են համաշխարհային հաղորդակցության, մարդկային հարաբերությունների ամրապնդմանը և հաստատում են տվյալ այբբենական համակարգի ինքնությունը: Այն համադրում է ազգային գրույթների բարդությունը և եզակիությունը /յուրահատկությունը/, մշակութային ժառանգության հմտությունը։


Այս տարվա «Գրանշան» մրցույթի կարգախոսն է` «Գլոբալ դիզայնը պրակտիկայում»: Տվյալ կարգախոսը ոչ լատինական տառատեսակների ուսումնասիրության առանցքային գործոն է հանդիսանում: Այն փաստը, որ Գրանշան մրցույթը անընդհատ ընդլայնվում է և ամեն տարի ներառում է մեկ նոր այբբենական անվանակարգ, ցույց է տալիս, որ մրցույթի ներուժն անսպառ է: Իհարկե դեռևս կան այնպիսի այբբենական համակարգեր, որոնք ընդգրկված չեն մրցութային անվանակարգերում:


«Գրանշան» 8-րդ մրցույթի՝ ոչ լատինատառ տառատեսակների հսկայական ներուժին այս տարի ավելացել է եբրայական տեքստային տառատեսակների անվանակարգը և այն այժմ ներկայացվում 10 անվանակարգերով։



Գրանշան 2015-ի կազմակերպչական կոմիտեի համանախագահներ՝

Էդիկ Ղաբուզյան
Բորիս Կոհան